Guðrún Jónína Magnúsdóttir ólst upp í Andakílsárvirkjun og á Akranesi. Guðrún sem er alltaf kölluð Ninna og ritar það á myndir sínar er óstöðvandi við að skapa. Fór á nokkur leirlistarnámskeið, Lærði norska rósamálningu, One Stroke og fleira. Hún lærði fyrst postulínsmálun á Akureyri hjá Jónu Axfjörð og svo hjá Ingunni Ágústsdóttur. Málun og teiknun nam hún hjá ýmsum málurum og í Mími meðal annars. Námskeið á netinu hafa líka verið henni mikill stuðningur og þar lærði hún að þæfa og hafa listaverk eftir hana þæfð úr íslenskri ull farið víða um heim undir nafninu Lava Trolls.

síðustu þrjú ár hefur hún málað með aðstoð kennara hjá félagi eldri borgara í Garðabæ. Ninna málar mest með akrýl en á það til að tína rekavið norður á Melrakkasléttu og mála á þær spýtur. Hún getur líka tínt til ýmsan efnivið í kringum sig og unnið með blandaðri tækni. Hún grípur gjarna steina upp úr götu sinni og málar á þá. Hún hefur selt verk sín á bæjarhátíðum, kaffihúsum og samsýningum. Ninna er líka rithöfundur og hagmælt, hún gaf til dæmis út barnabókina ,,Sagan af Sæmundi súpermús" sem er í bundnu máli, með teikningum eftir Katrínu J. Óskarsdóttur. Sýna minna