Kamilla Svavarsdóttir er fædd í Reykjavík árið 1981. Hún lauk B.A. gráðu í Grafískri hönnun úr listaháskóla í Arizona USA. Einnig hefur hún lokið M.A. gráðu í listum frá virtum listaháskóla í Bretlandi. Kamilla hefur tekið fjölda námskeiða í olíumálun þá í Myndlistarskóla Reykjavíkur og lauk Olíumálun I-II-III og master class í Myndlistarskóla Kópavogs. Hún hefur einnig fengið kennslu og leiðsögn hjá fjölda listamanna þar á meðal: Bjarna Sigurbjörnssyni, Þuríði Sigurðardóttur, Soffíu Sæmundsdóttur, Söru Vilbergsdóttur og Halldóri Kristjánssyni. Kamilla starfar sem Grafískur hönnuður og kennir myndmennt.

Í verkum sínum vinnur Kamilla með flæði tilfinninganna sem birtast í formi náttúruaflanna, öldur, ský og birtu sem verða að táknum fyrir innri orku mannsins. Þar sem litirnir mynda andstæður: myrkrið og ljósið, kyrrðina og storminn, viðkvæmni og styrk. Með penslinum reynir hún að fanga augnablikið þar sem allt er í breytingu. Þar sem kyrrðin geymir fegurð og stormurinn er fullur af orku. Verkin hennar eru ekki aðeins landslag, heldur einnig tilfinningalegt ferðalag þar sem náttúran táknar innra ástand mannsins. Kamilla er félagsmaður í Litku myndlistar félagi. Hún hefur tekið þátt í samsýningum með Litku og Grósku.

Sýna minna