Sara Dögg Guðjónsdóttir er mikill fagurkeri og starfar hún sem innanhúshönnuður. Hún hefur alltaf haft mikinn áhuga á myndlist og síðustu ár hefur hún nýtt þann áhuga í starfi sínu til að undirstrika andrúmsloftið sem hún reynir að skapa hverju sinni.

"Falleg myndlist getur tengt rýmið saman, gefið heimilinu karakter og er oftar en ekki punkturinn yfir i-ið þegar kemur að því að skapa heimilislega og notalega tilfinningu."

Þegar kemur að myndlist er Sara mjög einföld, að eigin sögn, og ekkert sérstaklega litaglöð. Jarðlitir heilla hana mest og einfaldleiki í miklum andstæðum og sterkum formum, til dæmis svart á móti hvítu, sem henta sérstaklega vel til að mæta einfaldri litapalletu í húsgagnavali.

"Ég er einnig mjög hrifin af grófleika og næstum óskýrleika í andlits- og líkamsmyndum."

Kvenlegar línur og fígúratíf verk grípa Söru en abstrakt verk eru innan hennar þægindarramma þegar kemur að listavali. Þá nefnir hún verk eftir Kristberg Ó. Pétursson en þau geta virkað næstum áþreifanlega vegna laga og áferðar þeirra.

"Ég hugsa að ef ég ætti slíkt verk þá væri ég alltaf að sjá eitthvað nýtt í því eða túlka það öðruvísi en ég gerði í upphafi."

Hér að neðan getur þú séð óskalista Söru.

Sýna minna