Myndlistarkonan Laura Valentino fæddist í Bandaríkjunum árið 1955 og hefur verið búsett í Reykjavík síðan 1988. Hún hlaut meistaragráðu í myndlist frá Kaliforníuháskóla í Berkeley og vinnur í dag með gamla ljósmyndatækni, listgrafík, pastelmálun og heitt vax tækni (encaustic).

Laura sækir innblástur sinn í kraft og viðkvæmni náttúrulegs og borgaralegs umhverfis síns, og hún leitast við að finna hið óvenjulega í hversdagslegum hlutum. Hún færir sig á milli ýmissa miðla og ferla með einkennandi strokutækni og grafískum stíl sem á rætur sínar að rekja til málaralistarinnar.

Verk Lauru hafa verið sýnd víða, bæði innanlands og utan og hún hefur haldið einkasýningar meðal annars í Hannesarholti, Ljósmyndasafni Reykjavíkur og Grafíksalnum. Hún hefur hlotið styrk fyrir að taka þátt í samsýningum í USA, Finlandi, og Svíþjóð, og til að fara á námskeið í photogravure í Bretlandi. Hún var einn fjögurra listamanna sem valdir voru til að vera fulltrúi Íslands á Grafik Nordica Triennial árið 2015 og ein af tíu sem valdir voru fyrir farandsýninguna Solander 250 og verkin úr þeirri sýningu eru í safneign Piteå Kunsthall í Svíþjóð. Laura er félagi í SÍM, Íslenskri grafík og FÍSL og hefur kennt námskeið í gúmmíbíkrómat ljósmyndaaðferð.

Sýna minna