Díana Rós Brynjudóttir er fædd á Ítalíu, árið 2001. Hún er uppalin á víð og dreif um Ísland og er nú búsett á Akureyri. Allt frá barnsaldri hefur Díana ávallt dundað við handverk af ýmsum toga þar sem hún varði miklum tíma á vinnustofu móður sinnar sem var hamskeri. Þrátt fyrir það hóf hún ekki listamannaferil sinn af alvöru fyrr en seint á árinu 2022.

Innblástur málverkanna fær Díana út frá eigin tilfinningum, og fæðast verk hennar aðallega þegar sambýlismaður hennar fer út á sjó og við tekur tómarúmið. Þá má oft sjá öldur og flæðandi mynstur í myndum hennar þar sem hugurinn reikar til sjávar. Díana notast við akrýlmálningu og blandaða tækni þar sem hún hrífst af hreinum litum og gljáandi áferð. Hún hefur einnig verið að smíða einfalda ramma, og eru einhver af hennar verkum því afhent innrömmuð í fururamma.

Samsýningar
2023: Deiglan, Akureyri; Salon des refuses
2023: EYR Restaurant, Akureyri Sýna minna