Áslaug Saja Davíðsdóttir myndlistar- og textílkona fæddist í Reykjavík og hefur lengst af búið þar. Sem barn ólst hún upp á Laugarvatni og býr nú í Hveragerði í námunda við gömlu listamannanýlenduna, gróðurhúsin og skógræktina. Gróskan og grænkan í daglegu umhverfi er henni daglegur innblástur en hún sækir líka innblástur til háværra stórborga þar sem fjölbreytt mannlíf kristallast. Sköpunin og áhugi á umhverfi og mannlífi hefur fylgt Áslaugu Saju úr æsku. Það má segja að Áslaug Saja sé einskonar náttúrupönkari.

Áslaug Saja Davíðsdóttir útskifaðist úr Textíldeild Myndlista- og handíðaskóla Íslands og varði lokaári sínu í UIAH í Finnlandi. Nýlega sótti Áslaug Saja masterclass hjá Bjarna Sigurbjörnssyni. Áslaug Saja hefur frá útskrift unnið að mynsturgerð og myndlist. Mest hefur hún unnið með silkiþrykk á efni en síðustu ár hefur hún málað á striga og pappír með fjölbreyttum aðferðum og efnivið. Sum þessara verka rata á prent eða nytjatextíl.

Áslaug hefur frá útskrift 1996 haldið einkasýningar, tekið þátt í gallerírekstri þriggja gallería í Reykjavík og samsýningum.

Sýna minna