Áslaug Saja Davíðsdóttir, myndlistar- og textílkona, málar abstrakt og abstrakt landslag þar sem hún sækir innblástur í náttúruna og sérstaklega móa, mosa, mold, fléttur og skófir og okkar einstöku veðráttu. Við þetta bætir hún túlkun og orku manneskjunnar í sambandi við útivist og landslag. Áslaug Saja blandar saman ýmsum miðlum en helst notar hún akrýl í öllum mögulegum formum, olíu og annað sem hendi er næst. Listakonan sækir mikið í náttúru heimabæjarins Hveragerði og ferðast einnig mikið um Ísland.

Áslaug Saja Davíðsdóttir útskrifaðist úr Textíldeild Myndlista- og handíðaskóla Íslands og varði lokaári sínu í UIAH í Finnlandi. Áslaug Saja hefur frá útskrift unnið að mynsturgerð fyrir textíl og myndlist. Mest hefur hún unnið með silkiþrykk á efni en síðustu ár hefur hún málað á striga og pappír með fjölbreyttum aðferðum og efnivið. Áslaug Saja er meðlimur í Sambandi íslenskra myndlistarmanna (SÍM).

Árið 2025 varði Áslaug Saja viku í KunstAkademie Bad Reichenhall undir handleiðslu Manuelu Karin Knaut abstrakt málara og þar áður áður sótti hún masterclass hjá Bjarna Sigurbjörnssyni. Áslaug hefur frá útskrift 1996 haldið einka- og samsýningar, tekið þátt í gallerírekstri, sölusýningum ásamt sýningarstjórnun og kennslu.

Sýna minna