Aldís Ívarsdóttir er fædd árið 1961. Hún stundaði nám við Myndlista og handíðaskóla Íslands “MHÍ” og hefur jafnframt sótt ýmiss myndlistarnámskeið í gegnum árin ásamt grafískri hönnun. Hún hefur haldið margar einkasýningar og tekið þátt í nokkrum samsýningum hér heima og erlendis. Aldís er meðlimur hjá SÍM (Samband íslenskra myndlistarmanna).

Náttúruöflin sem eru stöðugt á hreyfingu og oft með miklum krafti, eru innblásturinn í verkum Aldísar. Hún notast við ólíkar leiðir til að koma litunum á strigann, og mismunandi aðferð gefur mismunandi útkomu sem er oft mjög skemmtilegt. Aldís tæmir hugann, hefur engar fyrirfram hugmyndir fyrir utan val á litum hverju sinni, hún snýr striganum stöðugt þegar hún er að vinna og lætur verkið þróast og skapa sig sjálft. Að lokum kemur verkið henni sjálfri oft skemmtilega á óvart. Sköpun er ástríða sem er meðfædd og lifir með listmanninum alla ævi, þessvegna hættir listamaður aldrei að vinna.

Sýna minna