Magnea Rún Gunnarsdóttir er myndlistamaður fædd árið 1994 og uppalin í Kópavogi. Hún útskrifaðist af listabraut í Fjölbrautaskólanum í Breiðholti og lærði hreyfimyndagerð í Amsterdam á árunum 2016 til 2017.

Hún byrjaði að teikna að unga aldri og síðan að mála árið 2010 en þó ekki af alvöru fyrr en 2018.

Magnea dregur innblástur frá dýrum og náttúru. Útivist og bílferðir veita henni ávallt innblástur sem og tónlist.

Hún hefur notað aðferðir eins og akrýl, olíu, kol, pastel, vatnsliti og digital verk á fjölbreytta grunna, svo sem striga, hör, við, steina, pappír og veggi. Hún vinnur þó aðallega með akrý málningu á striga.

Verkin hennar eru mörg landslags- og dýramyndir í realisma stíl og njóta sín vel bæði í og án ramma. Einnig gerir hún verk í impressjónisma, expressjónisma, abstrakt og fígúratífskum stíl. Oft eru málverkin samanblanda af fleiri en einum stíl. Sýna minna