Júlíus Hafsteinn er fæddur og uppalinn í Reykjavík. Frá barnsaldri hefur hann verið mikið náttúrubarn og hefur ávallt sótt innblástur sinn víða, þar á meðal í íslenska náttúru, mannkynssöguna, kvikmyndir og listaverk 19. aldar málarameistara.

Júlíus er menntaður í kvikmyndagerð og hefur komið víða við á hinum ýmsu sviðum listarinnar. Þar má nefna tónlist, ljósmyndun, húsgagnasmíði og skúlptúr. En málaralistin hefur gripið Júlíus meira en nokkuð annað listform, og þar hafa landslag, dýralíf og portrett orðið hans helstu áherslur. Hann vinnur aðallega í olíu, en á þó talsvert af akrýl verkum að baki. Með málverkum sínum, reynir Júlíus að fanga þá fegurð sem fyrirfinnst í náttúrunni og að segja tímalausar sögur.

Undanfarin ár bjó Júlíus á Akureyri þar sem hann kenndi vinsæl myndlistarnámskeið. Í dag er hann búsettur í Reykjavík en heldur úti vinnustofum bæði í Hafnarfirði og í Póllandi, þar sem hann sækir reglulega vinnu og innblástur.

Sýna minna