Jón Halldór Bergsson er fæddur í Reykjavík 1965 en flutti níu ára gamall í Ásahrepp í Rángárvallasýslu. Þar mótaðist sterk tenging hans við íslenska náttúru þar sem nálægðin við beljandi Þjórsá, Heklu og hálendið varð síðar mikilvæg uppspretta þeirra hugmynda og stemmingar sem birtast í verkum hans.

Í verkum sínum vinnur hann með kraftmikla liti og frjálsa tjáningu þar sem náttúra, tónlist, hugsanir og tilfinningar renna saman á striganum. Myndirnar bera með sér bæði orku og kyrrð og endurspegla persónulega sýn listamannsins á íslenskt landslag og innri heim. Áður en Jón Halldór snéri sér að myndlist rak hann húsgagnaverslun um árabil þar sem hönnun og list skipuðu stóran sess, auk þess voru haldnar myndlistarsýningar í rýminu. Einnig rak hann Gallerí Akur, 500 fm. pop-up gallerí. Jón Halldór hefur haldið þrjár einkasýningar í Litla galleríinu, Café Milano og Gallerí Akur.

Sýna minna