Hjörtur Hjartarson er myndlistamaður frá Reykjavík, fæddur árið 1961. Hann er mikill náttúruunnandi og sækir innblástur í náttúruna eins og hún birtist honum hverju sinni. Listrænan innblástur sækir hann til listamanna eins og Gerhard Richter, Monet, Joan Mitchell og Georgia O'Keeffe, ásamt fleirum.

Hjörtur stundaði nám við Myndlista- og handíðaskóla Íslands á árunum 1992-1996 í Fjöltæknideild, og stundaði teikninám við Háskólann í Granada á Spáni 1996-1997. Hann hefur haldið og tekið þátt í fjölda einka- og samsýninga, bæði hérlendis og erlendis, og notar í verkum sínum olíuliti, akríl, vatnsliti og blandaða tækni. Hjörtur er félagi í SÍM.