Hafþór Helgi Helgason er giftur þriggja barna faðir og býr í Reykjavík. Hann ólst upp í Vogahverfinu og fór í Vogaskóla og lauk stúdentsprófi frá Menntaskólinn við Sund. Alla tíð hefur hann verið með þessa þörf fyrir að skapa. Þegar Hafþór var yngri framleiddi hann teiknimyndasögur í massavís en í dag finnst honum skemmtilegast að mála.

Eftir menntaskóla hafði hann löngun til að mennta sig meira í listum og tók listaáfanga í kvöldskóla FB. Síðan stundaði hann eins árs fornám við Myndlistaskólann í Reykjavík í undirbúnings námi í listum. Það var mjög lærdómsríkt og skemmtilegt nám. Áhugi hans á því að segja sögur í gegnum listir leiddi hann til þess að fara læra teiknimyndagerð. Þá kláraði hann einnig tveggja ára Diplómu nám í teiknimyndagerð.

Innblásturinn sækir hann aðallega í eld- og íshesta. Goðsagnakenndir hestar sem gátu vaðið glóandi hraun og lifað upp á jöklum. Undanfarið hefur áhugi hans á dulspeki aukist sem endurspeglast í myndefninu. Þaðan kemur innblástur eins og tarot, gyðjur, englar og ýmis blóm sem hafa andlegar eða trúarlegar tengingar.

Hafþór hefur haldið eina einkasýningu og verið með á nokkrum samsýningum. Hann málar eingöngu með olíu. 

Sýna minna