Hafdís Houmøller Einarsdóttir er ljósmyndari og listakona. Hún útskrifaðist með BA gráðu í tískuljósmyndun frá Leeds Arts University árið 2021, en hefur einbeitt sér meira að myndlist upp á síðkastið. Hafdís segist ekki falla undir eina tegund listar eða stefnu en að litir og gleði tengja list hennar, hvort sem það er myndlist eða ljósmyndun.

Myndlistaferill hennar byrjaði árið 2022 þegar Hafdís þurfti að fjárafla aðgerð og henni tókst það með fjallaseríunni sinni sem varð mjög vinsæl og hún er ennþá að bæta í þá seríu. Fjöllin sem hún málar eru mjög raunveruleg með litríka bakgrunni, en þau eru máluð á striga fyrst með modelling paste þar sem hún býr til áferð fjallsins, og síðast málar hún smátriði fjallanna ofan á það. Útkoman eru skemmtilegar, raunverulegar og súrrealískar myndir af uppáhalds fjöllum Íslendinga.

Hafdís hélt sína fyrstu listasýningu í Litla Gallerý sumarið 2024 og heitir sú sería "Mikilvægasta máltíð dagsins". Sú sería er gjörólík fjallaseríunni þar sem hún inniheldur skemmtilegar teiknimyndapersónur og girnilegs matar. Gaman er að sjá hvernig maturinn og persónurnar spila saman og hvaða heildarsýn það gefur. Þessi sería Hafdísar flokkast undir Töfrasæi, eða Magical Realism.

Sýna minna