Berglind Þorfinnsdóttir fæddist í Reykjavík 1960. Hún ólst upp á Seltjarnarnesi og býr þar enn. Hún hefur teiknað mikið alla ævi og fór síðan að sækja hin ýmsu námskeið í myndlist í kringum 1990. Hún var í nokkur ár í myndlistarskólanum Mynd-mál sem Rúna Gísladóttir (f. 1940) rak í 16 ár. Hún sótti einnig námskeið í Myndlistarskólanum í Reykjavík og Myndlistarskóla Kópavogs. Hún hefur einnig tekið masterclass námskeið hjá Bjarna Sigurbjörnssyni. Verk hennar eru abstrakt/expressjónísk. Berglind vinnur mest með akrýl og olíuliti.