Kristín Berta Guðnadóttir er fædd og uppalin í Reykjavík en býr í Hafnarfirði með fjölskyldu sinni. Áhugi hennar á myndlist kviknaði í barnæsku þegar hún sótti hin ýmsu námskeið hjá Myndlistaskóla Reykjavíkur. Hún hefur með hléum allar götur síðan sótt myndlistarnámskeið og þá aðallega í olíumálun t.d. hjá Þorra Hringssyni í Myndlistarskóla Reykjavíkur, Rúnu Gísladóttur sem rak myndlistarskólann Myndmál, Þuríði Sigurðardóttur, Einari Hákonarsyni og svo námskeið í blandaðri tækni hjá Hermanni Árnasyni auk fleiri námskeiða í akrýl málun og blandaðri tækni.
 
Í dag notar Kristín Berta mest akrýl málningu sem hentar vel því flæði sem hún er í þegar hún málar. Kristín notar myndlist nánast eins og hugleiðslu og leið til að tengjast sjálfri sér. Það er stutt í ýmsar náttúruperlur frá heimili hennar og sækir hún þangað orku og endurnæringu. Náttúran er helsti innblásturinn í listsköpun hennar. Sýna minna