Katrín er fædd og uppalin í smáíbúðarhverfinu í Reykjavík. Í dag býr hún á Selfossi og þar hefur hún sína vinnustofu.

Katrín sækir innblástur sinn í mannlegar tilfinningar og birtingarmyndir þeirra og er það helsti mótunarþáttur listar hennar. Hún notar eingöngu olíumálningu á striga en þar notar hún bæði pensla og spaða.

Katrín hefur sótt nokkur námskeið hjá Bjarna Sigurbjörnssyni. Hún hélt sína fyrstu einkasýningu í Gallerí Grástein í september 2021. Alls sótti á fjórða hundrað gestir sýningu Katrínar.