Sigurdís Gunnarsdóttir fæddist á Íslandi en ólst upp á Bahamaeyjum og í Bandaríkjunum fram á unglingsárin en fluttist þá aftur heim.Hún hefur stundað nám í Myndlistarskóla Reykjavíkur, Myndlistarskóla Kópavogs og Central Saint Martins í London.

Innblástur fyrir verk sín sækir Sigurdís fyrst og fremst í íslenska náttúru. Hún notar nær eingöngu olíu á striga og nýtur þess að láta litinn flæða um myndflötinn. Sigurdís hefur haldið einkasýningu og tekið þátt í fjölda samsýninga. Hún er meðlimur í Litka myndlistafélagi.