Jónína Loftsdóttir, kölluð Nína, er fædd og uppalin í Reykjavík. Hún býr í Reykjavík og starfar sem myndlistarkennari í Varmárskóla.  Hún hefur alltaf haft mikla sköpunarþörf og frá barnæsku fundið sér skapandi verkefni. Hún hefur unnið með nál, þráð, pappír, þrykk, silki, timbur, hönnun og málverk. Hún lærði í Myndlista- og handíðaskóla Íslands og útskrifaðist þaðan árið 1993 sem textílhönnuður.  Árið 2007 stofnaði hún eigið fyrirtæki; Nína fína ehf. hönnunarfyrirtæki, sem sérhæfir sig í húfum og fatnaði á börn. 

Innblástur sækir hún í bernska list og sköpun ungra barna. Henni finnst heillandi hve list þeirra er óbeisluð og laus við tilgerð. Glaðlegir litir og húmor eru einnig hennar aðalsmerki. Grunnur hennar í  textíl má sjá í verkum hennar þar sem hún notar mynstur eða pappírscollage á frumlegan og skapandi hátt.

Einkasýningar
2015: Pílus hárgreiðslustofa, Í túninu heima Mosfellsbæ.

Samsýningar
2005: Gullkistan, listahátíð á Laugarvatni.
1995: Gullkistan, listahátíð á Laugarvatni.
1994: Félagsheimilið á Patreksfirði.
1993: Óháð listahátíð, Listahátíð Reykjavíkur.
1993: Barðstrendingafélagið, Listmunahúsið Tryggvagötu Reykjavík. 

Menntun
2000-2003: Kennaraháskóli Íslands, B.Ed.
1993-: Ýmis námskeið tengd listum og kennslu.
1990-1993: Myndlista- og handíðaskóli Íslands, textíldeild.

Sýna minna