Mathilde Avice er þrítug listakona sem ólst upp í sveit í suðvestur Frakklandi. Á ferðalögum sínum um heiminn uppgötvaði hún Ísland árið 2017 og varð ástfangin af landinu og kröftugri náttúru þess. Hún hefur búið í Reykjavík í sex ár og finnur stöðugan innblástur í að endurskapa töfrandi landslagið í málverkum sínum.

Mathilde notar akrýl og hefur gaman af því að leika sér með ljósið með hjálp glitrandi málningar, glimmers og stundum gylltra flaga. Landslagið sem hún málar vekur tilfinningar um frið, sjálfsskoðun og undrun. Með list sinni vill hún snerta hjörtu fólks. Mathilde er félagi í SÍM og hefur tvisvar tekið þátt í samsýningum í Frakklandi.