Magnea Lynn Fisher, fædd 17. mars 1976, var uppalin í Reykjanesbæ. Magnea, eða Sissy, fékk viðurnefni og listanafn sitt frá afa sínum í Texas. Sissý hefur alltaf verið mjög hugmyndarík, með léttan húmor, andlega þenkjandi og á hún auðvelt með að setja sig í spor annarra og skynjar vel umhverfið í kringum sig. Það er óhætt að segja að hún sé lífsreynd og lítur hún á lífið sem skóla og ævintýri sem við eigum ekki að taka of alvarlega.

Sissý hefur ekki viljað festast í einhverju ákveðnu formi enda segir hún að það sé ekki hægt að setja alvöru listamenn í box. Þeir eru alltaf að vaxa og dafna. Hún málar mest í abstrakt, fígúratíf og súrrealískum stíl. Hún getur yfirleitt ekki ákveðið fyrirfram hvað verður málað, það skapast í augnablikinu.

Þegar Sissy málar andlit eru engin eins. Það fæðist alltaf nýr karakter með sitt sérkenni og sinn einstaka svip. Á bakvið hvert andlit leynist mismunandi lífsreynsla. Einkunnarorð hennar: "Æfingin skapar meistarann og auðmýkt og kærleikur sigrar allt."

Sissy hefur haldið nokkrar einkasýningar og tekið þátt í samsýningum hérlendis sem og erlendis. Árið 2021 tók hún þátt í sýningu sem var haldin í Lúxemborg ásamt fimm sýningum á Ítalíu sem og einni í Róm, árið 2023. Sýna minna