Lýður Sigurðsson er fæddur á bænum Glerá í Kræklingahlíð við Akureyri. Hann er húsgagnasmiður að mennt og útskrifaðist frá Iðnskólanum á Akureyri. Hann sótti ýmis myndlistarnámskeið meðal annars í Myndlistarskólanum á Akureyri. Eftir að Lýður flutti til Reykjavíkur 1982 stundaði hann nám við Myndlistarskólann í Reykjavík, m.a. undir leiðsögn Hrings heitins Jóhannessonar. Hann hefur að auki tekið þátt í fjölda samsýninga. Myndir Lýðs eru í súrrealískum stíl.

Lýður er félagi í SÍM og hefur lengi verið virkur á myndlistarsviðinu. Hann hélt einkasýningu í Gallerí Háhól á Akureyri 1977 og í Iðnskólanum á Akureyri 1982. Árið 1987 hélt hann einkasýningu á Kjarvalsstöðum þar sem hann sýndi 19 verk, einkasýningu á Gallerý Borg 1991 og sjö árum síðar eða 1998 hélt hann einkasýningu í Gallerí Fold og aftur 2005. Einnig hefur hann tekið þátt í samsýningum á Norðurlandi og UM sýningunni að Kjarvalsstöðum 1983. Sýna minna