Lilja Hallgríms

Lilja Guðrún Hallgrímsdóttir er fædd og uppalin í Reykjavík. Lilja sótti nám í myndlistaskóla Reykjavíkur og myndlistarskóla Kópavogs. Einnig hefur hún sótt námskeið og masterclass hjá Bjarna Sigurbjörnssyni.

Lilja málar mest með olíu á striga en hefur verið að prófa sig áfram með aðra tækni s.s. teiknun, akrýl og blek. Innblásturinn sækir hún í leikhús, pólitík og kirkju. Það kann að hljóma sem ólíkir vettvangar en hún sér samnefnara í þeim og nýtir það í myndlistinni.

Lilja hefur haldið 4 einkasýningar og fjölmargar samsýningar með Grísku og Litku félögum þar sem að hún er meðlimur. “Sérstakasta samsýningin er sennilega þegar Arion Banki valdi mynd eftir mig fyrir sýningu sem þeir héldu í strætóskýlum árið 2013 í tilefni menningarnætur.”