Kristín er fædd í Hafnarfirði árið 1957, ólst upp í Garðabæ og býr nú á Seltjarnarnesi. Hún hefur stundað listmálun í um 20 ár, verið í einkakennslu hjá ýmsum myndlistarkennurum bæði hérlendis og erlendis og sótt fjölmörg námskeið. Kristín vinnur verk sín á striga og masónít, ýmist með olíu eða akrýl. Kristín hefur haldið nokkrar einkasýningar, m.a. í Gallerí Gróttu og Gallery Grásteinn.