Kristín Couch er fædd í Reykjavík. Þar bjó hún meiri hluta ævi sinnar. 2009 flutti hún með manni sínum og börnum til Svíþjóðar og hafa þau búið þar í síðan þá. Ástríða fyrir listsköpun hefur fylgt henni frá barnsæsku. Kristín hefur kafað í ólíka miðla eins og akrýl, vatnsliti og blandaða tækni. Sem ljósmyndari kynntist hún stafrænni list sem hvatti til breytingar á listformi.

Kristín hefur vanalega enga framtíðarsýn fyrir því sem hún skapar, heldur byrjar hún alltaf með enga hugmynd og þróar sig áfram og lætur sköpun sína þróast. Hún gæti haft lit eða viðfangsefni í huga, en allt fellur saman þegar hún dembir sér í ævintýraveröldina sína og vinnur verkið. Kristín sækir sinn innblástur úr umhverfinu og dagsdaglega lífinu og því sem hún upplifir tilfinningalega. Listrænn hæfileiki hennar hefur hlotið viðurkenningu og hafa verk hennar verið sýnd í tímaritum, seld í erlendu galleríi og einnig í betri verlsunum víða um Evrópu.

Sýna minna