Kaja Bo Trotter er íslensk-bresk myndlistarkona, fædd í London árið 2002. Hún ólst upp bæði á Íslandi og í Bretlandi og býr nú á höfuðborgarsvæðinu. Kaja vinnur þvert á miðla og hefur unnið með málverk, skúlptúr og ljósmyndun, þó að stór abstrakt olíumálverk séu kjarninn í listrænni nálgun hennar. Hún vinnur bæði með abstrakt og figuratívar aðferðir og sækir innblástur í náttúruna, lit, form og verk listafólks á borð við Hilmu af Klint, Leonoru Carrington og Van Gogh. Verk hennar einkennast af litagleði, hreyfingu og huglægu rými sem býður áhorfandanum að tengjast verkinu á persónulegan hátt.

Kaja lauk námi af listabraut í Fjölbrautaskólanum í Breiðholti, málarabraut Myndlistarskólans í Reykjavík (2024) og útskrifaðist með BA (Hons) gráðu í Fine Art frá University of Cumbria (2025). Hún er félagi í SÍM, hefur tekið þátt í þremur útskriftarsamsýningum og starfaði með listakonunni Erlu S. Haraldsdóttur við uppsetningu sýningar hennar í Hveragerði árið 2024.

Sýna minna