Kaja Þrastardóttir er fædd og uppalin í Reykjavík. Allt frá unglingsárum teiknaði hún mikið og fylgdist með föður sínum skapa hvert listaverkið á fætur öðru. Áhugi hennar á málaralist kviknaði þó ekki fyrr en á fullorðinsárum og byrjaði hún að mála árið 2006. Síðan þá hefur hún haldið tvær einkasýningar og selt fjölda málverka.

Hún hefur einnig haft mikinn áhuga á ljósmyndun allt frá unga aldri. Ljósmyndir hennar hafa verið seldar víða t.d. á plötuumslög, auglýsingaherferð og á vefsíður svo eitthvað sé nefnt.

Innblástur í verkin koma frá litum í kringum hana. Falleg eða óvenjuleg litasamsetning kveikir neistann og verður oftast að málverki.