Jóhannes Damian Patreksson er listamaður sem er betur þekktur undir listamanna nafninu “JóiPé” en það er nafn sem margir ættu að kannast við. Jóhannes fæddist í Þýskalandi árið 2000 en hann er uppalinn á Íslandi í Garðabæ. Hann lauk menntaskólanámi á myndlistarsviði við Fjölbrautaskóla Garðabæjar og í kjölfar þess fór Jóhannes í Listaháskóla Íslands þar sem hann lærir tónsmíðar í dag.

Verk Jóhannesar eru mest megnis expressjónísk, tilfinningin er alltaf í fyrirrúmi og stjórnar því förinni. En þrátt fyrir hans hráa og tilfinningaríka stíl þá gegnir hvert einasta smáatriði lykilhlutverki og hver pensilstroka skipar sinn mikilvæga sess í málverkum Jóhannesar. Ferill hans í myndlist hefur ekki verið neitt langur en samt sem áður hefur hann verið árangursríkur. Málverk Jóhannesar eru án efa eitthvað sem vert er að athuga. Sýna minna