Jóhanna Heiðdal Harðardóttir (Önnönna) er fædd og uppalin í Reykjavík og er búsett í Hafnarfirði þar sem hún er einnig með vinnustofu. Jóhanna er leikkona og ferðamálafræðingur að mennt en síðustu ár hefur hún að mestu unnið í ferðageiranum en þó alltaf með einhver listatengd verkefni samhliða hvort sem það er að leika, mála, taka myndir eða skrifa ljóð og handrit.

Jóhanna byrjaði að mála 2015 en síðan þá hefur hún haldið 3 einkasýningar, tekið þátt í tveim samsýningum og selt fjölda verka. Einnig hafa verkin hennar birst í nokkrum íslenskum þáttaseríum, áramótaskaupinu 2022 og nú síðast í Kennarastofunni þar sem öll verkin sem notuð voru í leikmyndinni voru hennar.

Í listsköpun sinni sækir hún innblástur frá náttúrunni og nærumhverfinu, leikur sér með form, liti og nýtir allskyns áhöld til að búa til skemmtilega áferð í verkum sínum sem eru unnin með akrýl og blandaðri tækni.

Sýna minna