Jóhanna Björk (JoBjork) ólst upp og býr í Reykjavík. Hún lauk námi frá Myndlista og Handíðaskóla Íslands árið 1995. Einnig nam hún við the London College of Fashion og Háskóla Íslands, ásamt ýmsum námskeiðum. Hún starfar sem kennari og myndlistarmaður í dag.

Jóhanna Björk sækir innblástur sinn m.a. í náttúruöflin, umhverfi, landslag og samspil lita, í listsköpun sinni. Hún vinnur með olíu á striga, þar sem flæðið er frjálst og oftast óhlutbundið. Jóhanna Björk er félagsmaður í SIM, Sambandi Íslenskra Myndlistarmanna. Hún hélt málverkasýningu í SIM salnum árið 2023 og hefur tekið þátt í ýmsum samsýningum.