Hjördís Alexandersdóttir býr í Þorlákshöfn en ólst að mestu upp í Kópavogi. Frá unga aldri hefur Hjördís haft óstöðvandi sköpunarþrá. Náttúran, blóm, fuglar og allt það fallega sem heimurinn hefur upp á að bjóða er henni sífelldur innblástur og drifkraftur í myndlistinni. Hún málar með vatnslitum, olíu og akrýl.

Hjördís stundaði nám við Myndlistarskóla Kópavogs um árabil, ásamt fjölbreyttu námi hjá virtum íslenskum og erlendum kennurum í gegnum tíðina. Auk eigin listsköpunar hefur Hjördís lengi starfað við ýmiskonar myndlistarkennslu. Hjördís er félagi í FÍMK, Nordiska Akvarellsällskapet, Myndlistarfélagi Árnessýslu, Grósku og Vatnslitafélagi Íslands. Verk eftir hana hafa ratað víða út um heim. Hún hefur tekið þátt í fjölda samsýninga, bæði á erlendri grundu og hér heima á Íslandi. Meðal annars hafa verk eftir hana verið valin til sýningar á þremur heimssýningum. Hún hefur jafnframt haldið 10 einkasýningar.

Sýna minna