Helga er fædd í Reykjavík og uppalin í Hafnarfirði þar sem hún býr einnig í dag með eiginmanni sínum og fjórum börnum.

Helga hefur frá því hún man eftir sér teiknað og málað og sá áhugi jókst með aldrinum. Þegar hún var 13 ára fékk hún fyrstu trönurnar og byrjenda sett af málningu og penslum og stoppaði ekki að mála enda fann hún fljótt að þetta var góð leið til að hreinsa hugan og fá útrás fyrir sköpunargleðinni. Stuttu seinna voru allir veggir fjölskyldunar fullir af málverkum og byrjaði hún þá að selja verkin sín.

Annað áhugamál hjá henni er útivist og það er varla hægt annað en að vera innblásin af fallegri íslenskri náttúru. Litir náttúrunnar, formin, speglun, áferðin og ekki síður hvernig mismunandi veðurfar hefur áhrif á útlit hennar. Henni þykir því áhugavert að skoða náttúruna í nærmynd og reyna að endurskapa mynstrið í verkum sínum.

Helga hélt listasýningu í Litla Gallerý Hafnarfirði, í desember 2021 og var það hennar fyrsta sýning.

Sýna minna