Halldóra Kristín Pétursdóttir (Hdóra) er fædd á Selfossi árið 1975, en ólst upp bæði í Hafnarfirði og á Suðurlandi. Halldóra útskrifaðist úr Fjölbrautaskólanum í Garðabæ árið 1997 og hefur búið bæði í Bandaríkjunum og á Ítalíu, þar sem hún lagði stund á nám, m.a. litafræði og vatnslitamálun hjá listakonu af indjánaættum í Oklahoma.

Sem listakona notar hún mismunandi miðla, svo sem olíu, akrýl, vatnsliti, blek, leir, þrykk og fleira. Halldóra sækir innblástur sinn víða, meðal annars úr síbreytilegri og fallegri íslenskri náttúru. Landslagsmyndir sínar, málaðar með olíu á striga, hefur hún unnið að síðan 1996 og haldið sýningar á þeim víðs vegar um landið.

Hún hefur lagt stund á myndlist bæði í Bandaríkjunum, í Róm á Ítalíu og hér heima á Íslandi. Þá hefur hún einnig haldið bæði námskeið og sýningar víða. Verk hennar er að finna í einkasöfnum víða um heim, þar á meðal á Íslandi, Ítalíu, í Kanada, Bandaríkjunum og Danmörku, svo eitthvað sé nefnt. Halldóra er meðlimur í Vatnslitafélagi Íslands.

Einkasýningar:

2007 Heilsugæslan Sólvangi, Hafnarfjörður
2014 Vinnustofa Garðatorgi, Garðabær
2014 Menningarhús Ölfus
2015 Vinnustofa Garðatorgi, Garðabær
2016 Opin vinnustofa "Flæði", Garðabær
2018  Opin vinnustofa "Landslag" Garðabær

Samsýningar:

1992 Flensborg, Hafnarfjörður
1993 TCC, Tulsa Oklahoma, USA
1996 Garðatorg, Garðabær
1997 Fjölbrautarskólinn í Garðabæ, Garðabær
2024 Jónsmessusýning Grósku, Garðatorgi, Garðabær

Sýna minna