Gassi Ólafsson er fæddur í Reykjavík árið 1977. Frá 13 ára aldri fór hann að starfa í fjölmiðlum, m.a. á Bylgjunni, Stöð2 og FM957. Gassi hefur starfað við dagskrárgerð og markaðsmál samfleytt síðan árið 1993 og í dag starfar hann sem markaðshönnuður fyrirtækja, þar sem að hann hannar allt frá stórum herferðum til vörumerkja. Sömuleiðis starfaði hann sem auglýsingaljósmyndari frá árinu 2003.

Gassi hafði gaman af því að skapa og teikna sem krakki en eftir grunnskóla snerti hann ekkert á blýantinum þar til að hann byrjaði að mála á fullorðinsárum, og hefur ekki hætt síðan. Mest notast hann við akrýl en leyfir sér sömuleiðis að blanda saman allskonar hráefnum, ef þannig ber undir. Gassi semur mikið af dægurlagatextum fyrir íslenska tónlistarmenn en gerir það einnig í sköpunarferli sínu þegar samhliða eru textar sem segja sögu verksins eða líðan og hugarástand hans.

Sýna minna