Fríða Katrín (1998) fædd og uppalin í Reykjavík, útskrifaðist úr Myndlist frá Listaháskóla Íslands árið 2021. Hefur hún starfað sem myndlistarkennari við Myndlistarskóla Kópavogs ásamt því að vera partur af KANNSKI gallery sem samfélagsmiðlastjóri.

Í listinni hefur hún lagt áherslu á gjörninga og tengsl þeirra við sviðslist. Verkin hafa þá fjallað um samspil raunveruleikans og skáldskapar, þá úr persónulegum raunheimi listamanns og annarra í kringum hana sem hún svo setur í aðra mynd til þess að blekkja áhorfendur eða fá þá til þess að fylla í eyðurnar. Hún hefur ekki einungis dvalið í gjörðinni heldur hefur hún unnið með ólíka miðla, málverk, skúlptúra, innsetningar, búninga og handritaskrif.

Fríða Katrín hefur tekið þátt í ólíkum samsýningum og verkefnum, líkt og að búa til verk fyrir Listahátíð barna í Reykjanesi, hanna og smíða listaverk fyrir Reykjavíkurborg í Elliðaárdalnum (tröllkarlinn Búra) ásamt Arngrími Guðmundssyni og Bergi Ara Sveinssyni og sýnt á samsýningum bæði í Danmörku og Skotlandi. Hún hefur einnig verið aðstoðarleikstjóri verksins “Hver ertu helvítið þitt?” skrifað og leikstýrt af Ingibjörgu Magnadóttur sem var sýnt í Hamraborg festival (Gallery Y) árið 2023.

Fríða Katrín mun stunda meistaranám í Sviðslist (leikarann) við skólann Institute of the Arts, Barcelona 2024/25.

Sýna minna