Fabienne er fædd og uppalin í Suður Frakklandi. Hún er frönsk með spænskan uppruna og hefur náin tengsl við Spánn sem hún lítur á sem sitt annað land ásamt Íslandi. Hún útskrifaðist fyrst með BA í spænskum bókmenntum frá háskólanum Université Toulouse-Mirail í Frakklandi og í Madrid á Spáni. Á háskólaárum sínum og á ferðalögum heillaðist hún af frönskum, spænskum og suður-amerískum listamönnum og af myndlist almennt. Hún vann víða um heim sem tungumálakennari eða á Frakklandi, Íslandi, Singapúr og London. Ferðalög, tungumál og fjölbreytt menning skipa stórt hlutverk í lífi hennar og hafa þannig áhrif á list hennar.

Fabienne byrjaði að prófa sig áfram með að teikna og mála af alvöru árið 2012, sótti myndlistanámskeið bæði í London og á Íslandi og ákvað svo að taka BA í myndlist, „Arts Plastiques,“ í Sorbonne Háskólanum í París og útskrifaðist þaðan árið 2015.

Málverk hennar eru abstract og litrík. Hún notar oftast akrýlmálningu. Hún leggur mikla áherslu á liti og leikur sér með samsetningu, lagskiptingu lita og forma. Verkin hennar eru „innri landslög.“ Hugsunin á bak við málverkin tengist oftast rótum, tilfinningatengslum og óhefðbundinni, óhlutbundinni sýn á rými og landslagi. Innblástur hennar kemur frá litum lífsins og umhverfisins. Málverkin eru stundum fígúratíf og hún málar andlit eða persónur með litríkum strokum og línum. Sýna minna