Erla Halldórsdóttir er fædd og uppalin í Reykjavík, en dvaldi mörg sumur í sveit og telur hún að sveitin og Íslensk náttúra hafi sterk áhrif á sig í seinni tíð. Blað og blýantur var aldrei langt undan þegar að hún var yngri, en í seinni tíð hefur hún unnið með olíu, akrýl og blandaðri tækni.  

Model teiknun/málun var oft efnið á fyrstu árunum, svo tók landslag að mestu yfir. Abstrakt er að koma meira inn, en oft virðist landslag í hinum ýmsu myndum koma þar í gegn. Að mála er eins og að detta inn í annan heim finnst henni, láta litina ráða ferð og gleyma stund og stað.

Hún hefur sótt hin ýmsu námskeið í gegnum árin. Myndlistarskólinn í Reykjavík á yngri árum og frá 2001-2004. Kvöldskóli í módelteiknun/málun við Kunstakademie í Tongeren Belgiu. Námskeið í olíumálun í Myndlistarskóla Kópavogs undir leiðsögn Margrétar Jónsdóttur, Söru Vilbergsdóttur, Svanborgar Matthíasdóttur og Margrétar Zóphóníasdóttur. Masterclass námskeið hjá Bjarna Sigurbjörnssyni, námskeið í Oxford/UK hjá Lin Kerr, námskeið í Oxford/UK hjá Claire Christie Sadler, stafrænt námskeið hjá Lewis Noble og stafrænt námskeið í soft pastel hjá Nina Squire.

Hún hefur tekið þátt í nokkrum samsýningum á vegum Litku, í Gallerí Göng, Art67,  Listagallerí Ófeigs, Skúmaskoti, Bókasafni Spöng. Sýna minna