Með á nótunum

Name: Með á nótunum
Brand: Birgir Rafn Friðriksson
Price: 650000 ISK
Availability: InStock

Listamaður: Artist: Birgir Rafn Friðriksson

Staðsetning: Location: Höfuðborgarsvæðið

Upplag: 1

650.000 kr

Stærð: 120x120 cm.

Tækni: Olía á striga.

Málað 2022.

Verkið Með á nótunum / Full Attention kemur úr sýningarröð á Garðatorgi í Garðabæ veturinn 2021-22. Sýningarröðin var sumsé 5 mánaðar langar sýningar eða þættir eins og Birgir Rafn kallaði þær, þar sem hver þáttur tók við af öðrum frá nóvember byrjun og alveg fram til loka mars. Birgir Rafn sagði sýninga skipulagið vera hugsað eins og Netflix þátta seríu og hver þáttur kemur með eitthvað nýtt. Verkefnið nefndist Dúettar og urðu þeir 5 talsins: Um upphaf, Í mótun, Fundið stað, Af athygli og sá fimmti hét Hugleiðingar. Dúetta verkefnið gekk út á að láta tvö sjálfstæð verk, sem bæði snerta á sama viðfangsefni en með ólíkum hætti þó, sýna sig saman og ekkert annað að trufla. Birgir Rafn vildi búa til rými með tveimur verkum eins og gerist þegar tvær raddir syngja dúett; láta þær vera og verka saman. "Í dúett eru raddirnar bundnar saman, mynda takmarkandi rými fyrir jafnvægi og eru mælikvarði fyrir hvor aðra. En það myndi aldrei gerast nema einmitt vegna þess að þær eru tvær en ekki ein rödd", segir Birgir Rafn.

Um verkið sjálft segist Birgir Rafn hafa séð fyrir sér það augnablik þegar vilji manns og löngun til að taka eftir, taka þátt, opnar mann upp fyrir upplifuninni. Athygli manns sækir út en um leið opnar inn. Myndin á að vera í senn mynd af því athyglisverða og vera hið athyglisverða fyrir áhorfandann. Ef vel er að gáð má sjá silúettur ýmissa hluta en þó bara silúettur þeirra, því litir, form og hreyfing taka yfir orðin og skilgreiningar þörfina. Ástæðan fyrir eins konar geómetrískri nálgun á verkefnið segir Birgir Rafn vera að þrátt fyrir að maður gefi sig alveg af "hreinum" áhuga, þá er samt ekki verið að kasta sjálfum sér í óreiðu, kaós. "Það merkilega er að það er mjög hreinn strúktúr við það að opna sig upp og gefa sig svona að einhverju. Það gerist ekki bara einhvern veginn, þó litli stjórnandinn í manni nái engan veginn að vinna úr upplýsingunum sem flæða inn í mann. Það að láta þarna af eigin stjórn er ekki stjórnleysi í upplifuninni þó litli rökhugsuðurinn í manni sé að fríka út. Mér finnst það afar mikilvægt að menn gleymi þessu ekki. Litli rökræðarinn í manni verður að muna sinn stað í tilverunni", segir Birgir Rafn

Heimamátun eða skoðun Home fitting or studio visit

Kaupleiga

Upplag

Lesa meira.

14 daga skilaréttur

Lesa meira.

Kaupferli og afhending

Lesa meira.

Heimsent eða sótt

Lesa meira.

Listamaður

Birgir Rafn Friðriksson

Birgir Rafn Friðriksson - B R F, fæddur í júlí 1973, er uppalinn Eyfirðingur, nánar tiltekið á Akureyri. Myndlistarmenntun hóf hann formlega úti í Suður Frakklandi 1995, þar sem hann segist hafa fengið ”bakteríuna”. Hann snéri því fljótt aftur heim til Akureyrar þar sem hann sótti mörg kvöldnámskeið Myndlistarskólans á Akureyri. Birgir Rafn skráði sig svo í dagnám við skólann og útskrifaðist frá málunardeildinni árið 2001 eftir fjögurra ára nám. Á meðan náminu stóð vann hann m.a. fyrir sér sem myndskreytir á auglýsingastofu og kenndi á myndlistanámskeiðum. Árið 1999 hlaut hann styrk til hálfs. . . Lesa meira

Birgir Rafn Friðriksson - B R F, fæddur í júlí 1973, er uppalinn Eyfirðingur, nánar tiltekið á Akureyri. Myndlistarmenntun hóf hann formlega úti í Suður Frakklandi 1995, þar sem hann segist hafa fengið ”bakteríuna”. Hann snéri því fljótt aftur heim til Akureyrar þar sem hann sótti mörg kvöldnámskeið Myndlistarskólans á Akureyri. Birgir Rafn skráði sig svo í dagnám við skólann og útskrifaðist frá málunardeildinni árið 2001 eftir fjögurra ára nám. Á meðan náminu stóð vann hann m.a. fyrir sér sem myndskreytir á auglýsingastofu og kenndi á myndlistanámskeiðum. Árið 1999 hlaut hann styrk til hálfs árs námsdvalar í Lahti í Finnlandi. Að loknu námi lá svo leiðin suður til Reykjavíkur. Birgir Rafn rak vinnustofu og gallerí (Gallerí Teits) á árunum 2001-2004. Það ár dró námsþráin hann út til Danmerkur í frekari nám. Lagði hann stund á heimspeki, fagurfræði og listasögu í Danmörku og eftir útskrift frá Kaupmannahafnarháskóla 2009 snéri hann aftur heim til Íslands. Birgir Rafn lauk kennsluréttindanámi á grunn- og framhaldsskólastigi frá Listaháskóla Íslands árið 2011.

Birgir Rafn hefur víða komið við. Ásamt því að hafa unnið margskonar störf á sjó og landi, hefur hann haldið fjölda myndlistarsýninga; bæði einkasýningar sem og tekið þátt í mörgum samsýningum og einnig tekið þátt í margvíslegum myndlistartengdum viðburðum. Hann hefur um árabil kennt á myndlistanámskeiðum fyrir börn og fullorðna, bæði á vegum Myndlistarskóla Kópavogs sem og á eigin vegum. Birgir Rafn tók þátt í að stofna Myndlistarsamtökin Grósku í Garðabæ 2010, gengdi formannsembættinu fyrstu 2 árin og er enn virkur félagi þar. Hann er einnig félagi í SÍM og Vatnslitafélagi Íslands. Vinnustofa Birgis Rafns er á Garðatorgi í Garðabæ.

Birgir Rafn er fjölbreytilegur myndlistarmaður og verk hans því af ýmsum toga. Verk hans geta verið myndir af formrænu landslagi, leikur með aðferðir eða hugmyndir, jafnvel myndir af teiknimyndahetjunni Tinna og félögum. Hann leyfir sér að blanda saman aðferðum og stílum og vinnur jafnan í nokkrum miðlum s.s. í olíulitum, akrýllitum, vatnslitum, spray, pastel o.fl. Birgir Rafn segir þó að undanfarið hafi sterkast leitað á hann þörfin að leysa upp form hlutanna og daðra við rými þar sem hlutveruleikinn er annaðhvort alveg að hverfa eða rétt í þann mund að mótast. Verkin hafa því orðið afstæðari og frjálsari uppá síðkastið.

Spurður nánar um listsköpunina segir Birgir Rafn leikinn vera útgangspunkt verka hans, en samt verði þau að ná að endurspegla einhvern raunveruleika.
"Er ekki allt leikur? Menningin gæti verið allt öðruvísi og við að leika aðra hefðbundna leiki en við leikum í dag", segir Birgir og heldur áfram: "Verandi með hvítann striga er eins og að fá boð um að búa til nýjan leik. Ekki bara að ákveða útgangspunktinn, formið, taktinn, áferðina, litina, sjónarhornið, sýnina o.s.frv. heldur líka út á hvað hann gengur og hvort hann sé kaldhæðinn, fyndinn eða sorglegur. Manni verður samt fljótlega ljóst að það er eitthvað annað sem stýrir og stjórnar með manni við þessa sköpun. Maður er ekki bara sjálfur að ákveða hvernig allt muni á endanum vera og að það er einhver samræða í gangi. T.d. þarf maður að fórna, mála yfir og skemma það sem maður hefur lagt alúð við að móta, til þess að verkið gangi betur upp. Á þeim augnablilkum þar sem maður metur það sem komið er dugar líka hreint ekki að nota ljótt-eða-fallegt mælistikuna. Því veruleikinn er einfaldlega ekki alltaf fallegur við fyrstu sýn". Sjálfur segist Birgir Rafn notast við einhverskonar raunveruleikamælistiku við val sitt. "Raunveruleikinn er svo undarleg skepna og alls ekkert búið að ráða gátuna um hann ennþá. Í listinni opinberast raunveruleiki eins og merkingarþrútið sannleikskorn, sem starir beint í augun á manni líkt og spegilmynd. Þegar það tekst að framkalla þetta í formi, línu eða lit, er eins og tekist hafi að fanga vissan veruleika. Þess vegna held ég að myndlist lifi enn góðu lífi. Reyndar tel ég að fólk sem sýni list áhuga sé í raun að sýna sjálfu sér áhuga, en hvað um það. Hið stórbrotna og merkilega núna er kannski að hin raunverulegu augnablik hafa öðlast ótrúlega mörg andlit, geta allt eins sýnt sig í mynd af teiknimyndahetjunni Tinna eins og þykkmálaðri abstrakt mynd, falið sig í afstæðum tvívíðum formum og línusamspili, verið mynstur eða einfaldlega bara áferð. Ef það er ekki magnað og spennandi, þá veit ég ekki hvað”, segir Birgir Rafn

Birgir Rafn Friðriksson, listamaður Apollo art

.

Sýna minna

Mjög þægileg og fljótleg leið til þess að eignast verk eftir íslenska listamenn. Ég hef nýtt mér heimamátun og líka skoðað verk á vinnustofu listamanns. Mæli með.

Rannveig Gunnarsdóttir

Allt gekk eins og í sögu. Eignaðist listaverk sem gleður mig. Ánægjulegt að styðja við íslenska list og listamenn.

Unnur Ólafsdóttir

Skemmtilegt að vera í sambandi við listamanninn. Fékk myndina senda um leið og var mjög ánægð.

Hrund Pétursdóttir

Góð þjónusta listamannsins, afgreiðslan gekk hratt og vel fyrir sig sem skiptir máli fyrir mig.

Erla Gunnars

Virkilega gaman að sjá vettvang fyrir íslenska listamenn á sama stað! Ég er virkilega sáttur með þá þjónustu sem ég fékk hjá Apollo art og Árna Thor, mæli hiklaust með!

Böðvar Böðvarsson

Frábær vettvangur. Keypti verk eftir Jóhannes P. og sótti það samdægurs. Allt upp á tíu hjá bæði Apollo og listamanni. Takk fyrir mig!

Kristján Finnbogason

Keypti yndislegt verk hérna eftir Höllu Harðardóttur og er í skýjunum! Fljótlegt, þægilegt og samskipti fagmannleg. Held áfram að versla við Apollo art, það er klárt 👌.

Bjarney Bjarnadóttir

Þægilegur vefur, upplifun ánægjuleg. Góð yfirsýn yfir verk, ágætis úrval og kaupin sem fram fóru gengu hratt og vel.

Ö.Á.

Traustið á milli viðskiptavinar og listamanns er frábært, ég fékk verkið í heimamátun og það var svo lítið mál. Sölu/skoðunar ferlið er auðvelt og fljótlegt.

Nafnlaust

Allt staðist, flott verk og ánægjuleg viðskipti. Hlakka til að gera aftur góð kaup af fallegum verkum á Apollo Art. Kíki reglulega og bíð eftir ákveðnum listamönnum með ný verk sem ég hef augastað á.