Ástríður Sólrún Grímsdóttir er fædd 13. mars 1955 á fæðingardeildinni í Reykjavík en þá bjuggu foreldrar hennar á Brúsastöðum í Þingvallasveit. Hún flutti til Þorlákshafnar 8 ára gömul og lauk grunnskóla þar. Haustið 1971 fluttist hún til Reykjavíkur og hóf þá nám við Handíða- og myndlistaskólann í Reykjavík en lauk ekki námi. Ástríður lauk Landsprófi vorið 1971 og embættisprófi í lögfræði frá H.Í. í júní 1993. Hún hefur starfað sem lögmaður, sýslumaður, lögreglustjóri og síðustu 19 árin sem héraðsdómari en lét af störfum í mars 2025 sökum aldurs.

Ástríður byrjaði fyrir alvöru að mála haustið 2016 en þá fór hún á vikunámskeið til Lökken í Danmörku hjá Kara Svenson, færeyskum listmálara. Fyrir þann tíma sótti hún námskeið hjá Sjöfn Har. Auk þess hefur hún sótt námskeið í akrýlmálun í Tækniskólanum 2018, hjá Bjarna Sigurbjörnssyni listmálara í Kópavogi 2019 og svo aftur í vinnubúðum hjá Bjarna á Hellissandi 2023.

Ástríður hefur selt fjölda verka og prýða m.a. fjögur þeirra Héraðsdóm Reykjaness. Ástríður málar með akrýl á striga. Hún notar ýmis áhöld til að búa til skemmtilega áferð í verkum sínum s.s. spaða, greiður, spaða, sleifar, pensla og margt annað sem til fellur. Ástríður stefnir á frekara nám í listsköpun sinni erlendis næstu misseri en er með vinnuaðstöðu í Grímsnesinu þar sem hún býr.

Sýningar:
Einkasýning í Agógessalnum í júlí 2017.
Samsýningu með Ástu Björnsdóttur og Andrési Þórarinssyni í Mofellsbæ 2017.
Gestalistamaður í maí 2024 í Gallerí Art67.
Samsýning með Ástu Björnsdóttur í Gamla vitanum á Akranesi í júní 2024.
Einkasýning Undir stiganum í Þorlákshöfn í maí 2025.

Sýna minna