Andrea er fædd og uppalin á Húsavík en hefur frá unga aldri búið og ferðast víða um heiminn. Hún býr núna í Suðurhlíðum Kópavogs þar sem hún hefur komið sér upp lítilli listasmiðju og leyfir þar sköpunargleðinni að fá útrás.

Andrea dundaði sér mikið við að teikna þegar hún var barn og unglingur, en lagði svo listsköpun á hilluna þar til á síðasta ári. Hún hefur komið víða við á sviði samfélagsmála og í listinni er hún sjálflærð með sterka þörf fyrir að þróa sinn innri listamann. Hún málar með akrýlmálningu á striga og prófar sig áfram með mismunandi tækni og áhöld. Hún sækir sér þekkingu og innblástur frá ýmsum listamönnum, viðfangsefnum, eigin hugarheimi og umhverfi sem er gnægtarbrunnur fyrir hið listræna sköpunarflæði.

Sýna minna