Endurfæðing 1

Name: Endurfæðing 1
Brand: Diðrik Jón Kristófersson (Nekron Art)
Price: 90000.0 ISK
Availability: InStock

Listamaður: Artist: Diðrik Jón Kristófersson (Nekron Art)

Staðsetning: Location: Bandaríkin

Upplag: 1

90,000 kr

Stærð: 30x30 cm.

Tækni: Akrýl á striga.

"Ný sería, Úmbra Illuminati, og enn eitt skrefið tekið áfram þar sem reynt er á takmörk ljóss og skugga innan tæknilegra marka flæðandi akrílmálningar. Börnin hennar Rósu fyrir valinu og fleiri í fæðingu, en þau munu láta á sér kræla fljótlega.

Tekið úr Latínu, en „Úmbra Illuminati“ má þýða sem „skugga hins upplýsta“ þar sem verkið er gagnvirkt og getur tekið breytingum eftir hljóðum og áreiti áhorfanda og/eða umhverfis samkvæmt stillingum og valkostum. Myndformið er grafískt og tiltölulega einfalt við fyrstu sýn, en smáatriðin koma fram þegar nær er litið og/eða þegar skyggja tekur. Fjarstýring fylgir með og er hægt að stilla LED lýsinguna eftir hentugheitum og velja mismunandi liti og/eða síbreytileg litróf, þ.m.t. gagnvirkt. Snúruna má fjarlægja og njóta verksins án lýsingar. Leiðbeiningar fylgja með."

Ath: Verkið er staðsett erlendis (Bandaríkjunum) og tekur 4-8 vikur að koma til landsins.
Pökkunar- og flutningskostnaður er innifalinn í verði.

Heimamátun eða skoðun Home fitting or studio visit

Kaupleiga

Upplag

Lesa meira.

14 daga skilaréttur

Lesa meira.

Kaupferli og afhending

Lesa meira.

Heimsent eða sótt

Lesa meira.

Listamaður

Diðrik Jón Kristófersson (Nekron Art)

Diðrik Jón Kristófersson er fæddur og uppalinn í Reykjavík og byrjaði snemma að teikna og mála, en hans helstu áhrif og áhrifavaldar komu – og koma enn – úr goðafræði, þjóðsögum og fornsögum (íslenskum og erlendum), dulspeki/heimspeki, tónlist og tengdri myndlist ásamt óhefðbundnum teiknimyndasögum og klassískri myndlist endurreisnar.

Að lokinni BA gráðu í myndlist við Willem de Kooning Akademíuna í Hollandi, ásamt Meistaragráðu í Kennslufræðum Sjónlista við LHÍ, hefur Diðrik starfað sem myndlistarmaður í næstum 30 ár og haldið einkasýningar á Íslandi og í Hollandi ásamt þátttöku í fjölda samsýninga. Hann er nú búsettur í Norður-Karólínufylki Bandaríkjanna og nýtur sín vel innan um óspillta náttúru, margmenningu og fjölskrúðugt dýralíf.

Hugmyndafræðin á bak við listina er óumdeilanlega sniðin út frá hugsmíðahyggju og jafnvel „félagslegri hugsmíðahyggju“, en hér leggst áherslan á boðskap og/eða fræðslu ásamt því að byggja eða endurskapa raunveruleikann út frá innsæi, rannsókn og sívaxandi þekkingu („að gera er að læra“). Þar með má segja að hvert verk sé vísir að því næsta þó svo að stundum sé erfitt að sjá beina tengingu.

Tækni og myndbygging miðast ævinlega við það að skapa tilfinningu fyrir hreyfingu, rými og þrívídd með grafískum styrkleika og minnistæðri samsetningu, en sumir hafa kallað útkomuna pönkaða eða rokkaða fantasíu-teiknimyndamyndlist þar sem megináherslan leggst á að „tæla“ áhorfendur til að lesa á milli línanna og mögulega týna sér í kynngimögnuðum krafti, flæðandi straumum og smáatriðum. Viðbrögðin eru yfirleitt „agndofa“ og þá er tilganginum náð að einhverju ráði, en framtíðaráform og verkefni munu miðast við slíkt; þá mögulega að veita sýn í nýja veröld eins og horft sé út um hurð eða stóran glugga.

Flestöll verk eru unnin í akrýl á striga (bómul eða hör eftir hentugheitum) og stundum blönduð með kolakrít, pastel og/eða vatnsmálningu, en slík efnisnýting telst mun umhverfisvænni en olían og jafnvel nauðsynleg í upphleyptum verkum „Sortnunar“ sem slógu rækilega í gegn á samsýningunum Torgi á Korpúlfsstöðum, 2018/2019 og teljast einstök á heimsvísu.

Þar sem Diðrik er búsettur í Bandaríkjunum er óskað eftir biðlund varðandi flutning á verkum en slíku er auðveldlega hagrætt í samráði við kaupendur og einfaldlega spurning um hvað sé hentugast að hverju sinni.

Einkasýningar
9 einkasýningar og gjörningar (á Íslandi og í Hollandi).
Helstu einkasýningar:

2017: "Vættir: Forskot" – Einkasýning í StúdíóZ, Gallerí Anarkía, Kópavogur.
2019: "Sortnun", í sýningarsal SÍM, Reykjavík.

Samsýningar
18 talsins og þær helstu:

2002: "Kunstbeurs" - samsýning, The Ahoy, Rotterdam.
2008: "Twee(2) Strijd Voor 12" - samsýning, Gallery Pand Paulus, Schiedam, Holland.
2014 "GGG" - samsýning, Bíó Paradís, Reykjavik.
2018: "Torg - Listamessa" - samsýning, Korpúlfsstaðir, Reykjavík.

Nám
1995-2000: BA diplóma í "Myndlist og Hönnun" - Willem de Kooning Academy, Rotterdam, Holland.
2015-2017: M.Art.Ed diplóma í "Kennslufræði Sjónlista" - LHÍ (Listaháskóli Íslands), Reykjavík, Ísland.

Félagaaðild
SÍM - Samband íslenskra myndlistarmanna.

Diðrik Jón Kristófersson, listamaður Apollo art

Sýna minna

Mjög þægileg og fljótleg leið til þess að eignast verk eftir íslenska listamenn. Ég hef nýtt mér heimamátun og líka skoðað verk á vinnustofu listamanns. Mæli með.

Rannveig Gunnarsdóttir

Allt gekk eins og í sögu. Eignaðist listaverk sem gleður mig. Ánægjulegt að styðja við íslenska list og listamenn.

Unnur Ólafsdóttir

Skemmtilegt að vera í sambandi við listamanninn. Fékk myndina senda um leið og var mjög ánægð.

Hrund Pétursdóttir

Góð þjónusta listamannsins, afgreiðslan gekk hratt og vel fyrir sig sem skiptir máli fyrir mig.

Erla Gunnars

Virkilega gaman að sjá vettvang fyrir íslenska listamenn á sama stað! Ég er virkilega sáttur með þá þjónustu sem ég fékk hjá Apollo art og Árna Thor, mæli hiklaust með!

Böðvar Böðvarsson

Frábær vettvangur. Keypti verk eftir Jóhannes P. og sótti það samdægurs. Allt upp á tíu hjá bæði Apollo og listamanni. Takk fyrir mig!

Kristján Finnbogason

Keypti yndislegt verk hérna eftir Höllu Harðardóttur og er í skýjunum! Fljótlegt, þægilegt og samskipti fagmannleg. Held áfram að versla við Apollo art, það er klárt 👌.

Bjarney Bjarnadóttir

Þægilegur vefur, upplifun ánægjuleg. Góð yfirsýn yfir verk, ágætis úrval og kaupin sem fram fóru gengu hratt og vel.

Ö.Á.

Traustið á milli viðskiptavinar og listamanns er frábært, ég fékk verkið í heimamátun og það var svo lítið mál. Sölu/skoðunar ferlið er auðvelt og fljótlegt.

Nafnlaust

Allt staðist, flott verk og ánægjuleg viðskipti. Hlakka til að gera aftur góð kaup af fallegum verkum á Apollo Art. Kíki reglulega og bíð eftir ákveðnum listamönnum með ný verk sem ég hef augastað á.