Sindri "Sparkle" Freyr

Barn lá uppi í rúmi foreldra sinna með fæturna upp við vegg. Hann starði á eftirprent af Salvador Dalí verki. Þarna lá hann klukkutímum saman og skoðaði öll smáatriðin. Hann tók eftir því að verkið rímaði. Bjallan og stúlkan. Karlinn og skráargatið. Hestsrassinn og hauskúpan. Hver hlutur talaði við hvorn annan. Þegar hann spurði þau í kringum sig var honum sagt að hann væri að ímynda sér tengingar sem væru ekki til staðar. Nokkrum árum seinna, eftir langan dag, fann hann bók af skissum eftir Dalí. Og þar fann hann mynd sem sýndi hauskúpuna og henni við hlið, hestrassinn.

Sindri "Sparkle" Freyr er fjöllistamaður fæddur, uppalinn og starfandi í Reykjavík. Hann útskrifaðist fyrr á árinu með listmálaradiplómu úr Myndlistaskólanum í Reykjavík og vinnur mest með olíu þegar kemur að málverkum. Sindri trúir því að hvert listform eigi sína styrkleika og veikleika og vinnur því með þann miðli sem virkar best með því sem hann vill segja með verkinu. Verk hans fjalla í augnablikinu aðallega um fantasíu, sögur og hinseginleika. Hann hefur haldið tíu sýningar, tekið þátt í þremur til viðbótar og unnið að veggverkum fyrir sýningu Erlu S. Haraldsdóttur í Listasafni Reykjanesbæjar. Hann hefur auk þess gefið út þrjár ljóðabækur og eina kvikmynd (Opening Up) sem vann til verðlauna á listahátíðinni, Reykjavík Fringe Festival.