Sesselja Björnsdóttir stundaði nám við Ecole des Beaux Arts í Frakklandi frá 1980 til 1981. Hún útskrifaðist úr kennaradeild MHÍ (nú Listaháskóli Íslands) árið 1984 og frá málaradeild sama skóla árið 1989. Einnig stundaði hún nám í Margmiðlunarskólanum og útskrifaðist þaðan árið 2000.

Sesselja hefur haldið nokkrar einkasýningar og tekið þátt í samsýningum hér heima og erlendis. Vinnustofa hennar er staðsett í miðbænum.

Frumuppspretta listar Sesselju er náttúran. Alveg frá fyrstu tíð hefur hún verið að mála myndir undir áhrifum náttúrunnar og reynt að koma á striga áferð hennar, veðurofsa og göldrum.

"Ástríða er ekki tilfinning, ástríða er ástand, náttúrulegt ástand sem nauðsynlegt er til að geta komið frá sér þeirri andlegu iðju að skapa."

Sýna minna