Jón Magnússon

Jón Magnússon fæddist árið 1966 í Reykjavík. Hann stundaði nám við Parsons School of Design í París frá 1988-1992. Þar lauk hann prófi með BFA gráðu í myndskreytingu. Í París stundaði hann mikið málverk og teikningu og hefur gert síðan, ásamt grafískri hönnun þangað til 2016.

Fyrir Jón skipti árið 2016 sköpum. Það var þá sem hann ákvað að snúa lífi sínu og starfsferli alfarið að myndlist með því að hefja nám í samtíma málverki við Myndlistaskóla Reykjavíkur þar sem hann lauk prófi með Diploma 2018. Verk hans hafa birts á sýningum og eru í einkasöfnum. Hann er með vinnustofu út á Granda, Reykjavík.

„Ég er algerlega frjáls í málverki mínu og viðfangsefni. Ég hef unnið mikið úr mínum eigin ljósmyndum og þegar ég sé eitthvað sem vekur áhuga minn, tek ég það og geri það að mínu. Að lokum snýst allt um málverkið sjálft. Áhrifin sæki ég frá expressjónisma, impressjónisma, súrrealisma og fullt af samtímalistamönnum.“ 

Einkasýningar

2018: "Skyndimyndir", Myndlistarskóli Reykjavíkur.
2018: Gallerý Íslenskrar Grafíkur.
2020: SÍM salurinn.

Samsýningar

1989-1992: "End of the year show", Parsons, París.
1993: "Óháð listahátíð, Reykjavík.
2005: Næsta Gallerí, Jón Magnússon og Ari A. E. Magnússon.
2017: Árslokasýning, Myndlistarskóli Reykjavíkur.
2018: Árslokasýning, Myndlistarskóli Reykjavíkur.
2018: "Málaralistin", Listamenn Gallerí.
2018: "TORG", Listamessa SÍM.
2019: "TORG", Listamessa SÍM.
2019: "Ég hlakka svo til", Ásmundarsalur.
2020: "Tvísýni", Hulda Vilhjálmsdóttir og Jón Magnússon, Listamenn Gallerí.
2021: "Portrait Now", Danmörk.
2021: "Portrait Now", Svíþjóð.

Sýna minna