Haukur Örn er fæddur 1972 og óslst upp á sveitabænum Súluvöllum á Vatnsnesi í mikilli náttúrufegurð. Það má sjá þess glögg merki í verkum hans að sveitin og náttúran á stóran sess í hjarta hans.

Haukur Örn málar nær eingöngu með olíu á striga. "Olían og eðli hennar er eitthvað sem höfðar til mín. Tíminn sem þarf að gefa sér í verkin og hvernig olíumálverk er orðin eitthvað svo varanleg þegar þau eru orðin tilbúin heillar mig."

Sem unglingur og fram á fullorðinsár teiknaði Haukur Örn mikið blýant og var oft að leika sér með samspil ljóss og skugga. Sjálfsmenntaður er hann á myndlist en hefur verið ötull í að sækja sér fróðleik og kennslu á netinu.

Verk eftir Hauk Örn er að finna víða á heimilum um allt land, en hann hefur tölvuvert málað eftir pöntunum og þá einkum eitthvað tengt sveitinni og náttúrunni.

Sýna minna