Halla er fædd og uppalin á höfuðborgarsvæðinu. Hún hefur stundað myndlist í teikningum, olíu- og vatnslitamálun á fjórða áratug og lokið námi frá Myndlistaskóla Reykjavíkur, ásamt því að hafa sótt fjöldamörg námskeið, hjá hinum ýmsu listamönnum. Hún er menntaður tækniteiknari og hefur einnig listhönnun að baki.

Efnistökin eru þrír miðlar; Blý/Blek/Kol á pappír, Olía á striga og Vatnslitir á bómullarpappír. Hún nýtir sér einnig ljósmyndavélina. Halla setur verk sín fram í raunsæi og sækir myndefnin í það sem umlykur allt í fegurð sinni, náttúruna og lífið. Þá hefur hún tekið þátt í ýmsum samsýningum.