Bragi Einarsson

Bragi Einarsson fæddist 1960 í Vestmannaeyjum en hefur búið í Garði/sveitarfélagi Suðurnesjabæjar síðan 1961.

Bragi var félagi í Baðstofuhópnum í Keflavík til margra ára undir leiðsögn Eiríks Smith. Hann hefur sótt ýmis námskeið, s.s vatnslitanámskeið í Myndlistaskóla Kópavogs undir leiðsögn Sigtryggs Bjarna Baldvinssyni og námskeið í olíu undir leiðsögn Bjarna Sigurbjörnssonar og Stephen Lárusar Stephens. Bragi vinnur bæði með olíu og vatnsliti.

Myndefnin hefur Bragi m.a. sótt í landslag á Suðurnesjum og yfir Faxaflóann, en sjórinn og landslagið á Suðurnesjum hefur verið viðfangsefni listamannsins í gegnum tíðina. Einnig fengist við nokkrar fígúratífar myndir sem sýna fólk við ýmis störf og leik til sjávar og sveita. 

Hefur hann haldið námskeið í myndlist, bæði í teikningu og litameðferð.

Menntun

1984-1988: Myndlista- og handíðaskóli Íslands.

2006: Kennaraháskóli Íslands, Útskrifaðist sem framhaldskólakennari í listgreinum.

Sýningar

1985: Einkasýning í Samkomuhúsinu í Garði.

1991: Einkasýning í Sæborgu í Garði.

2006: Einkasýning á Sólseturshátíð í Vitavarðahúsinu.

2007: Einkasýning í Byggðasafninu Garði.

2008: Einkasýning í Sæborgu á 100 ára afmæli Garðs.

2009: Einkasýning í Listatorgi í Sandgerði.
2019: Einkasýning á Hrafnistu Hafnarfirði.

2011-2013: Samsýningar með félögum Lista- og menningarfélagsins í Garði.

2012-2019: Samsýningar á Ljósanótt.

Sýna minna